Fragment

Mi tabata felismente komprometé ku un hòmber ku mi a konosé 5 aña pasá na bandabou, pa mas eksakto na playa kenepa.

Tabata algu masha prèt; mi tabata kore pa maribomba, antó mi no tabata wak
na unda mi ta kore ta bai, pasó dimes, ami ta for di e maribomba nan mi kièr a skapa i mi no tabatin kunes ken tur
mi tabatin ku pasa trapa, basta mi por a skapa for di nan!! 'Si, asina èrg mi miedu pa maribomba ta!!'

Awèl koriendo pa e famoso maribombanan m'a bin dal den dje. Ami hanshá a bis'é: " sòri sòri" i m’a sigui kore bai. Den mi korementu mi tabata skèn un bon lugá, leu for di e maribomba fèrfelunan ku tabata sondia aya na playa kenepa. Na momentu ku mi a mira un bon lugá mi a kore bai sinta ei mesora!

Awel bo ta kere nèt mi ta kai sinta, ku mi kurason batiendo super duru kasi pa sali for di mi garganta, mi ta bira buska mi serbete anto mi no por a hañe?

Mi a hisa mi kara i mi a bin ripará ku mi a kore bai, lagando tur mi pertensianan pa shon maribomba. Di kansá i fadá ku mi tabata, mi a gewoon keda sintá den santu asinei anto ma sinta wak leu un ratu.
Den wakmentu leu aki, mi ta sinti mane tin bista riba mi.. bosa mane kos ku komo sifuera tin un èkstra peso riba bo? Awel asinei!!
Mi a bira mi kara i topa shon Terrens ta wak mi, dimes na e momentu ei mi a haña e kos un tiki hopi 'awkward', dus ma bira mi kara mashá purá. Te ku mi ke bira mi kara bèk, m'a mire ta kana bin den mi direkshon. Den mi mes mi di ‘’hai ta kiko e gai aki ke awor? ‘’Min bis'é sòri kaba?’’. "Hagt, ni masha beis min tin". Pero ..... ×