Fragment
Brief van het Hof van Gelre en Zutphen aan de ambtman over ketters te Tiel van 19 oktober 1570:
Dem strenghen, erntfesten und fromen heren Claes Vijghe, ritter,
amptmann in Nederbetuwe, onssen bijsonderen gueden vrundt.
#Mutatis mutandis aen den Drossaert van der Lede te scrijven#
Strenghe, erntfeste und frome, bijsondere guede vrundt,
Alsoe wij sekerlick in erfaeronghe gecommen als sellen in den kerspel van Lijnden, wesende onder uwen bevolen Ampte, sich etlijger Mennonisten unthalden ende insonderheijt dieghene wijens naemen in dese hijer ingelachte cedele gescreven staen, dewelcken aldaer daegelicx eene versaemelonghe ende conventeijkelen helden, 't welck gheenssins gefonden en behoert te werden. Ende derhalven in stadt Conincklicke Majesteijts van Hispanijen etc., onsses allergenedigsten heren, als Hertoeghe van Gelre ende Grave van Zutphen, onse ernste gesannen ghij mit allen vliet u informeert, erfaeret ende erkundiget wat Mennonisten oder anderen sectarissen sich in den voerschreven dorpe erhelden unde insonderheijt up die gestaltenisse ende gelegentheijt der persoenen in de voerschreven cedule gementionneert. Ende soe verre ghij bij voergaende informatie bevindt denselven ofte anderen sich in den voerschreven dorpe unthaldende Mennonisten oder andere sectarissen tho sijn, sult deselve apprehenderen ende volgende die placcaten op 't stuck der heresie uuijtgegaen hoere recht doen nae behoeren.
Wij hebben gelijcke brieven aen den Drossaert van der Lede, Cristoffel Spierinck, geschreven, daermet ghij desenthalven sult moeghen concurreren ende alsoe daerinne versien als ghijluijden eedt- ende ampthalven sult bevinden te behoiren.
U hijermede den Almoegende bevelende.
Geschreven tot Aernhem den XIXen octobris XVC ende 't zeventich.
Cantzeler ende Raeden etc.
-----
In den kerspel van Lijnden sunt multii Menonistii, quorum nominem sequuntur .
Jan Janszen sutor met sijn huisfrou.
Toenis van Hemert cum filia .
Henrick N. sutor.
Stijn Aernts ende dochter cum sorore .
Jan Janszen lanio .
Unus fuit principalis omnino, qui se in fugae fecit et modo in Huijssen habitat vocaturque Jodocis
×
Thuiswinkel Waarborg